自從去年中港通關之後,小紅書成為內地旅客同香港人喺香港生活同玩樂嘅指南。五月初，AD-Linkage課程總監Horace Lui同埋課程導師,連同知名商舖創業同投資專家、盛滙商舖基金創辦人李根興博士(Dr. Lee Edwin Kan Hing),一齊探討小紅書點樣帶動餐飲業營銷新風潮,同埋點樣利用小紅書實現業務增長同品牌宣傳。
重溫當日影片 – 同李根興博士一齊揭開小紅書流量密碼
學懂內地數碼營商 全面掌握市場脈搏
隨疫情過去，中港兩地合作大幅增加，內地市場更係商家必爭之地。小紅書、抖音可能你有用過，但點樣喺上邊進行品牌推廣、營銷就唔必人人了解。有見及此,我哋AD-Linkage開辦咗一個【內地數碼營銷實戰證書課程】,專為有意拓展內地市場嘅朋友、創業人士或社交平台管理人員而設。課程會分享實用案例同成功故事,教授小紅書使用技巧同致勝之道,係全港首個獲政府資歷架構第三級認可嘅內地數碼實戰營銷課程。
營商環境急速變化，各行各業均面對唔同程度嘅挑戰，對餐飲業嘅考驗尤其嚴峻，但仍有商家成功利用小紅書逆市突圍。課程總監Horace分享指,位於中環蘇豪嘅西式咖啡店FinePrint,今年成功喺小紅書「封神」,店舖雖然唔係好大,但客人可以坐喺店外樓梯間,一邊飲咖啡、食甜品,呢種悠閒舒服嘅氣氛令店鋪大受歡迎;而紅茶冰室亦成功晉身成為好多旅遊達人嘅「必食清單」,而家內地旅客唔再單單「掃貨爆買」,反而追求香港情懷同特色體驗;紅茶冰室為旅客提供方便,令佢哋可以喺短時間內品嘗美食,獲得獨特嘅旅遊體驗。兩家餐廳喺小紅書嘅宣傳方式雖然唔同,針對唔同嘅目標受眾,但同樣喺市場上取得咗巨大成功。
配合「風向」打造成功「引流」策略
課程導師Jason Liu介紹話,課程會教學員分析案例同獲得更多曝光率同觸及率嘅技巧,強化學員寫文案嘅功力,協助佢哋喺激烈競爭中脫穎而出,帶來更多生意。Jason表示,「標題、文章內容、圖片、封面設計、Hashtag標籤」都係爭取流量嘅關鍵,需要借助工具達成,例如可以利用「新紅」搵最新熱門話題;「新紅」係小紅書數據工具,可以提供小紅書同筆記嘅搜尋資訊,包括最具討論熱度嘅文章內容同關鍵用字,例如「抵食」、「必食」、「天花板」、「唔可以錯過」等,配合市場「風向」打造成功嘅「引流」策略。
必學「敏感字替代詞」避免「限流」
中國互聯網有關法規嚴謹,一旦影片或內容出現「敏感字」,就唔能夠喺平台上架;中國廣告法規亦限制部分用字,例如「最」、「唯一」、「一流」、「僅此」等,所以學會小紅書避雷技巧亦相當重要。Horace表示今次課程會教授少有提及嘅一系列「敏感字替代詞」,例如「最」可以用普通話拼音「Zui」取代,「TOP 1」可以用「T.O.P. 1」代替,同埋會提及唔同日子需要避談嘅內容。只要掌握呢啲技巧,就唔只可以表達含意,亦可避免「被限流」。
想了解【內地數碼營銷實戰證書課程】
https://cef.ad-linkage.com/courses/digital-marketing-in-china/
更多相關報導: 香港財經時報
https://www.businesstimes.com.hk/articles/156727/全面掌握市場脈搏-ad-linkage開辦全港首個獲政府認可的內地數碼實戰營銷課程/
