進修有政府資助：
最高 HK$25,000 等你拎
持續進修基金（Continuing Education Fund）係政府 2002 年成立嘅進修資助計劃，只要你係合資格香港居民，修畢 CEF 認可課程後就可以申領發還學費。AD-Linkage 全部證書課程均已獲 CEF 認可。
資助點樣計？
CEF 以個人為單位，不設申領次數限制，亦冇戶口有效期，直至用盡 HK$25,000 上限為止。
你只需要付 20% 學費。例如課程學費 HK$10,000，資助後實付約 HK$2,000。
呢部分你只需要付 40% 學費，適用於較高學費或之後報讀嘅課程。
邊個合資格申請？
以下為 2022 年 8 月 1 日起開課課程嘅申請資格（以官方最新公佈為準）。
年滿 18 歲
於課程開課時已年滿 18 歲。2022 年 8 月起已撤銷年齡上限，70 歲以上一樣申請得。
合資格香港居民
擁有香港居留權、入境權，或有權喺香港逗留而不受任何逗留條件限制（智能身份證出生日期下印有「A」「R」或「U」），或持單程證從內地來港定居。
報讀 CEF 認可課程
課程必須已登記為「可獲發還款項課程」，並已繳付學費。報讀前可以喺官方「課程搜尋器」核實課程編號。
冇重複資助
從未就同一課程獲其他公帑資助（例如其他政府資助計劃嘅助學金或貸款），同一課程唔可以「一課多重資助」。
拎到錢嘅三個條件
成功修畢課程之後，記得喺限期內遞交申請。
出席率達標
出席不少於課程總上課時數嘅 70%（或課程規定嘅較高出席要求，以較高者為準）。
評核合格
整體評核分數達 50% 或以上（或課程規定嘅較高要求）。修讀語文能力課程另需通過指定語文基準試。
一年內申請
於成功修畢課程後 1 年內遞交發還款項申請（以修畢日期或指定語文基準試考試日期計，以較後者為準），逾期概不受理。
AD-Linkage CEF 認可課程
以下課程全部已登記為 CEF 可獲發還款項課程，並獲資歷架構認可。
想學生成式 AI、Google／Meta 廣告及 SEO／GEO，可查看 CEF AI數碼營銷課程（課程編號 33K167750）。
人工智能應用績效實戰專業證書
數碼營銷實戰專業證書
中國數碼營銷實戰證書
跨境電子商務及營銷證書
資料來源：在職家庭及學生資助事務處 — 持續進修基金（最新資訊以官方公佈為準）。CEF 24 小時熱線：3142 2277。
唔清楚自己 CEF 戶口仲有幾多錢？
我哋嘅課程顧問可以免費幫你查詢戶口結餘、計算每個課程嘅實際自付學費，仲可以一步步教你點樣遞交申請。